與衪的戀愛‧重新定位

呢幾日,
不停地思考同神的關係;
為衪作事工時嘅態度與心情;

諗咗好耐至發覺有問題!

太多負能量!!!
從前嘅我只懂從人性嘅角度去解決問題;
同埋尋求公平!

自己嘅負能量重影響到身邊嘅人!!!

如果你正在為神作事工,
而團隊中嘅人事令你不滿的話!
請暫時放下, 向神傾訴, 求衪賜你平靜嘅心;
及求衪令你定睛仰望衪;
因你所做的, 只是為了衪!!

當你為神作事工前,
應告訴自己是為誰作工?!
是否甘心樂意?!

如果是甘心樂意的話, 去為神做吧!!
不用理會身旁嘅人!!!
定睛在衪身上!!!
不要事後抱怨!!!

因不論你再努力,
如你是心不甘情不願去做的話!!
衪亦唔會喜悅的!!!

一起去學習吧!!
我哋各自去尋找及聆聽神為我哋每一個獨特嘅安排;
不要老是跟着別的人, 站出來吧, 獨自靠着神站出來吧!!!

"弟兄們，我不是以為自己已經得著了；
我只有一件事，就是忘記背後，努力面前的" 腓立比書 3:13

深一層

請聽一次這歌
"和諧團結的良朋，我共你真心互信任，深一層，
和睦友愛熱誠，滿載著慈恩，

彼此相顧如路燈，彼此交接連在心，
願靠主基督的真理，傳遞愛意活在我神，

悲哭歡笑來盡訴 ，互愛關心能做到，
齊和應，(齊和應) ，同路去為神做證。"

如果你或妳已是一個有定期及長期番青年團契嘅人.
其實你有無問過自己點解要返團契呢? (除咗神要你番之外.)

我聽過有:
1.想識多D朋友/D Friends 返咪跟住返
2.無聊星期五/六無嘢好做咪返囉
3.無特別原因嫁喎, 一直返開咪繼續返囉
4.聽講今晚團契有好玩節目咪返囉
5.當然係想更認識神
6.經過勞累嘅一周, 沒有比回到神嘅家放鬆一下更好

但係呢D嘢星期日崇拜都有啦!!!

究竟"聽牧師講道"對你或妳又有咩用呢?

耶穌最吸引我嘅地方係佢感性嘅愛, 完全無理性可言!!!
如果你吓哥林多前書第十三章,
佢簡直愛得瘋狂!!
也野恆久忍耐, 愛是不嫉妒；愛是不自誇!!!
我諗只有好似德蘭修女咁偉大嘅人先得

但係耶穌嘅絕對地吸引住我,
所以我喜歡返團契 "去感受及散播" 這份愛,
對! 係"去感受及散播"同步進行,
因為如果你真的能感受的話,
你亦會自自然然/多多少少想去與人分享一點這份愛

你有去真正用心去觸碰別的靈魂嗎!!!
曾經我聽過一個團契領袖對一件係團契內嘅人事問題而導致嘅意外後的回答:
"咁你係唔係覺得我哋團契有問題呀?!我哋今年都有帶領到人信主吔!"

佢講得對, "團契"無問題, 但D人有.
佢無錯, 有人信主, 但亦有人走了.

神話愛最弱小嘅一個就等於愛衪!!!

你可能有好多原因/理由而沒有踏出你的"安全區"(Comfort Zone)
你無關心人嘅恩賜...
我唔係懂得溝通嘅人...
已經有人在做啦...
我已經盡了力... (但完全唔理効果)

咁作為一個團契資深弟兄姊妹/領袖, 你又有Ｄ咩異像(Vision)呢?
當你答應做領袖時, 究竟對自己及團契有咩期望.
你個心有想作神嘅事工嗎?
抑或係定閒咪做下, 唔得咪推囉?!重有其他領袖呀嘛!!!

希望你諗一諗, 然係告訴神你的異像, 之後行動, 不要只講唔做!
無做就係無做, 唔可以講話我心裏想過做!!
用心站在別人的位置去想!!

在此, 我為你, 妳 及你們 向神祈禱!!!

請用心"深一層"地過團契生活

"和諧團結的良朋，我共你真心互信任，深一層，
和睦友愛熱誠，滿載著慈恩，

彼此相顧如路燈，彼此交接連在心，
願靠主基督的真理，傳遞愛意活在我神，

悲哭歡笑來盡訴 ，互愛關心能做到，
齊和應，(齊和應) ，同路去為神做證。

忽發奇想

最近喺屋企樓下打波嗰陣, 遇到一個小男孩.
一個天真活潑而又有禮貌嘅小孩.
與他第一次嘅接觸係喺他問我可否與我一起射波, 是很有禮貌地.

他每次都係身穿校服, 那時已是晚上七點了.
我想他的家人應該係忙於工作, 所以沒有時間照顧他.

原來他的媽媽是在球場旁開報攤的.
我知道係因為有一次打完沒回家時,
經過報攤時發現的.
他正在幫忙媽媽收拾報攤,
在收拾嘅同時, 他們亦在談,
媽媽在問兒子今天學校嘅有趣事.
兒子很興奮地一一細訴.
多麼温馨的一幕.

數天後,
他又再與我打波.
他仍是很有禮貌地問: "可唔可以一齊射波?!"
他身穿校服, 很活潑地彈跳過來.
是我喜愛嘅小孩類型.

那天是我們嘅第一次交談.
我問: "你幾歲呀?!"
他說: " 我今年七歲啦, 我係咪唔似呢?!"(有點老積嘅回答)
他嘅外型似八, 九歲, 但他打波時臉上嘅稚氣似一個五, 六歲.

我又問: "你叫咩名呀?!我叫滔滔 !"

"我叫文迪!"他回答.

"你個好好聽喎! 我好鍾意你個名呀!" 我說

" 但係爸爸唔鍾意呀! 因為佢打我同媽媽呀!"他說

" 咁可能爸爸唔係有意嘅, 你原諒佢啦!"
雖然我對他的話感到意外, 但我仍想安慰他說.

" 他喺我重係媽媽肚裏面嗰陣,已經打媽媽,
但媽媽原諒咗佢, 但我就無!" 他很平靜地說完.
之後繼續很開心地射波.

"嗯......."我無言!
他好似喺星期二檔案, 鏗鏘集嘅單元中嘅主角.
震捻我的是, 好大嘅對比, 稚氣十足嘅小男孩 vs 他背後令人...嘅故事

曾經有不快童年嘅事聽很多, 但由一個只有七歲嘅小孩親身訴說,
加上他那平靜得異常嘅口脗......令我感到詫異...
呢個社會究竟想點呀!!! 只能說這是"文明" 嘅香港文化嘅一種.
又有誰嚟做D嘢呢? 已當嗰D議員只會搞女下屬,
或喺議會無建設性咁互罵, 定或喺無聊地捉曾特首嘅錯處呢?!!

忽發奇想!!!

最近城中政界嘅熱話,
應該係一名議員被懷疑因向女下屬求愛不遂,
而無故解雇該名女下屬.

而今日喺報章上看到有關於此嘅報道.
當中我發現咗一個有趣嘅地方,
喺關於該名女下屬的背景,
報章說她的情路坎坷, 而她是一位虔訊誠嘅基督徒,
之前她在不知情的情况底下與一名有婦之夫一起.
但當她得悉後, 她慧劍斬情絲.

"報章說她的情路坎坷, 而她是一位虔誠嘅基督徒,"
我諗大多數嘅正常人都會作出與她一樣嘅決定.
不論是否一個基督徒.
一個三歲幼稚園都知道,
別人嘅嘢不可拿.

數天前, 我嘅一個同學嘅男朋友被他同公司嘅女同事追,
而當我同學與她對質時, 那女同事竟說她是一個虔誠的基督徒,
而她亦曾與她的朋友絕交因她的朋友做人地嘅第三者,
而她知道我同學嘅存在, 亦知道他們倆是相愛的.
然而....

最近香港演藝界亦很盛行基督教.
對!!!你無聽錯, 我用"盛行" 就好似一種潮流.
而傳媒常常在此放大 "嘩!!!也咁都算係基督徒!!!"
或者, 稱某教會為富豪教會, 因較多明星或上流社會嘅人去.
而聚餐有如上流宴會,而不是說它充滿主愛.
或某明星改邪歸耶穌, 而開個記者會!!!

"這有何妨呢？
或是假意，或是真心，無論怎樣，基督究竟被傳開了。
為此，我就歡喜，並且還要歡喜。 " 腓立比書 1:18

你會否覺得福音真的被傳開了嗎?

點解從來冇人會放大別的教?!
一個人是否基督徒都不一定如其行為成正比.
就好似殺人犯亦可以喺一個好父母!!!

我只是覺得奇怪.
究意竟係教會復興中,
還是人太隨便把神放在口中作擋箭牌!!!

因為"放神係第一住"是不容易的, 你會嘗試, 你甚至會有一刻做得到(如沒有別的事),
所以當你很容易告訴別人"神是我嘅第一位"
一係你是牧師/傳道/,
一係你真的是虔誠的基督徒,
一係這句話只是一句話,
因前兩者是懂得謙卑的,
後者...
請思想一下吧!!!

一個被世界吸引而仰慕祢的肥仔上

今日修

神是救贖之鑰

"使他們都合而為一．
正如你父在我裡面、我在你裡面．
使他們也在我們裡面、叫世人可以信你差了我來。"約翰福音17:22

"that all of them may be one, Father, just as you are in me and I am in you.
May they also be in us so that the world may believe that you have sent me"- John 17:21

"使人在愛裏彼此合一"是神救贖工作嘅一陪份.
一個愛主而又順服主嘅敬虔嘅基督徒係會被神使用,
將救贖帶給這個迷失嘅世界.

"教會是基督的身體", 我們就係這個身體嘅肢體,
所以我們"肢體"之間嘅關係及與他人(非基督徒或別教會的弟兄姊妹)的關係,
如果係充滿爭門的話, 而不是在愛合一,
這樣糟的生活是沒有辨法令周圍嘅人相信耶穌基督的真實性.

因為耶穌明白一個人"不可能靈裏愛神, 卻不愛他人".
我哋常常對衪說:
"我全心全意愛祢, 只是我不愛我的弟兄, 姊妹, 父母, 同事, 與我坐在同一巴士的人....."

我明白有一些人令你卻步去愛, 愛不下去...
我更會同主說: "點解要我遇上他, 她, 和他們....?!"
確實, 我常常會這樣想, 當我遇上這些不可愛嘅人.
但每一次我的心嘅深處總會有一道聲音叫我去愛那些人.

我很喜歡做關心嘅事工, 因這是回應主嘅最好至嘅工作.
有人曾問我怎樣去以愛心去關心那些不可愛嘅心.
首先, 放下自己 + 將心比心嘅站在那人嘅角度 + 不要感厭惡/發怒 + 用愛心體諒
 
又有人問, 那豈不是聖人的工作?!!
無錯, 因這是為神而作的神聖工作.
但我們是聖人. 我們只是作聖潔工作嘅人.
我們只是衪的器具.

再者, 我們又豈不是那不可愛嘅罪人.
應能為衪作工而感榮幸!!!

不配祢嘅肥羊上